18 mia. tons av ísi bráðnaðu í tríggjar dagar

Í tríggjar dagar, 15., 16. og 17. juli, bráðnaðu 18 milliardir tons av innlandsísinum í Grønlandi, skriva Icenews og CNN.

Hetta er óvanligt og órógvandi, siga vísindafólk.

Orsøkin er tann nógvi hitin, sum kemur úr Kanada.

Mesti hitin var 19,8 stig, tað mesta, sum nakrantíð er mátað har eysturi í Grønlandi.

Innlandsísurin er 80 prosent av Grønlandi. Hann er 2,9 milliónir rúmkilometrar.

Hann er 1,7 milliónir fermetrar og upp í 3,2 kilometrar høgur.

Um allur innlandsísurin bráðnaði, hækkaðu høvini sjey metrar.