Skal sigla fyri Smyril í 44 dagar

Nú er greitt, at Herjólfur III byrjar á Suðuroyarleiðini fyri Smyril fríggjakvøldið 19.august.

Seinasti túrur hjá Smyrli verður av Havnini kl.18.30 tað kvøldið. Síðani fer hann í dokk í Munkebo á Fjóni.

Hann fer væntaði aftur í siglingina mánadagin 3.oktober. 

Væntandi fer Herjólfur III undir royndarsigling fyrst í komandi viku. 

Farmasigling

Gongst sum ætlað, fer Herjólfur í farmasigling alt fyri eitt á Suðuroyarleiðini.

Ferðaætlanin kemur 5.august.

Plássbíleggingarskipan verður tøk hjá ferðafólki og akførum frá 10.august, siga Strandfaraskip landsins.

Herjólfur III kann við verandi loyvum taka upp til 481 ferðafólk og okkurt um 65 bilar. 

Meðan Herjólfur III røkir siglingina fyri Smyril, verða stórar avmarkingar í farmaflutninginum á Suðuroyarleiðini, sigur Strandferðslan.