Tilbúgvingin: Hevur fult álit á leiðsluni

Kaj Leo Holm Johannesen, landsstýrismaður í heilsumálum, hevur fult álit á sjúkrahúsleiðsluni í sambandi við tilbúgvingina:

Atfinningarnar, sum hava verið av neyðtøkutilbúgvingini, seinast í gjár, hava mest snúð seg um vantandi sálarfrøðiliga hjálp. 

Í gjár váttaði Steinar Eiriktoft, forstjóri í Sjúkrahúsverkinum, at sálarfrøðilig hjálp er ein partur av neyðtøkutilbúgvingini.

bráðmóttøka.jpg

Tey, sum varða av neyðtøkutilbúgvingini á Landssjúkrahúsinum, siga, at síðani upprunaliga innslagið var í Degi og Viku 25. mars, har funnist var at, at sálarfrøðilig hjálp ikki var partur av tilbúgvingini, hava øll, ið hava vent sær til neyðtøkutilbúgvingina, fingið boðið sálarfrøðiliga hjálp. 

Eisini siga tey, at ítøkiligar mannagongdir at venja starvsfólk eru gjørdar síðani.

Í sambandi við seinasta tilburðin, harmast Landssjúkrahúsið eisini um, at tey hava ikki dugað nógv væl at miðla, hvussu fólk kunnu koma í beinleiðis samband við neyðtøkutilbúgvina.