- Tíðindi, mentan og ítróttur
Ferðamannaskip ov vandamikið at sigla við
Ferðamannaskip ov vandamikið at sigla við
Danska ferðamannaskipið Ocean Atlantic, ið skuldi til Grønlands við ferðafólkum, er lagt av norsku sjóferðslumyndugleikunum
Hol var millum annað í skrokkinum á Ocean Atlantic, ið nú er lagt av norsku myndugleikunum
10.08.2022 - 09:05
Norsku sjóferðslumyndugleikarnir á Svalbard hava lagt ferðafólkaskipið Ocean Atlantic.
Tað sleppur ikki at fara úr Longyearbýnum við ferðafólkum, tí myndugleikarnir siga, at tað er rætt og slætt ov vandamikið at sigla við skipinum.
Skipið skuldi annars fara til Grønlands. Tað siglir fyri donsku ferðaskrivstovuna Albatros.
KNR skrivar, at Ocean Atlantic skuldi vera í Grønlandi frá 5.august til 12.september.
23 álvarslig brek
Norskir myndugleikar hava funnið 23 álvarslig brek, og tí hevur skipið fingið siglingarforboð.
Ocean Atlantic er bygt í 1985.
Tað var endurnýggað í 2017. Skipið tekur 198 ferðafólk.
Hol í skrokkinum
Tá skipið var við Svalbard kom hol á skrokkin.
Hendingin var ikki fráboðað, siga norska sjóvinnustýrið.
Í mai funnu myndugleikarnir í Skotlandi 52 brek hjá Ocean Atlantic.
Er kopiera
Nýggjastu sendingar í ÚV
Nýggjastu sendingar í SV
