Tekniskt brek á Sundi elvdi til streymslit

Tað var tekniskt brek á einum motori á Sundsverkinum, sum var orsøk til streymslit í meginøkinum í ein lítlan tíma í morgun.

Streymurin fór kl. 8.05 og beint fyri kl. 9 høvdu øll fingið streymin aftur.

Streymslitið í morgun var so mikið umfatandi, at alt meginøkið lá í streymloysi. Tað merkir, at bara Suðuroyggin og útoyggjarnar, ið ikki eru knýttar í netið á meginøkinum, høvdu streym millum klokkan átta og níggju.