Cheney tapti uppstillingarval í Wyoming

Veljarar í amerikanska statinum, Wyoming, vrakaðu í gjár í tingkvinnuna, Liz Cheney, á uppstillingarvalinum upp undir kongressvalið, sum verður seinni í ár. Liz Cheney er dóttir fyrrverandi amerikanska varaforsetan, Dick Cheney.

Í staðin vann Harriet Hageman stórsigur í gjárkvøldið, og verður sostatt republikanska valevnið í statinum á valinum í november. Hon fekk 66 prosent av atkvøðunum, meðan Liz Cheney fekk 29 prosent. 

Liz Cheney hevur verið ein av mest atfinningarsomu røddunum í republikanska flokkinum móti fyrrverandi forsetanum, Donald Trump. Hon var eitt av tíggju tingfólkum, sum atkvøddu fyri einum ríkisrætti móti Trump, og var partur av serligu 6. januar-kanningarnevndini. 

Harriet Hagemann

Harriet Hagemann vann uppstillingarvalið hjá republikanarunum í Wyoming. (Mynd: Ritzau Scanpix)

Óskrivað blað

Harriet Hageman er hinvegin eitt óskrivað blað í amerikanskum politikki, men fekk stuðul frá Donald Trump í valstríðnum.

Úrslitið merkir, at bara tvey av teimum tíggju republikansku tingfólkunum, sum atkvøddu fyri einum ríkisrætti móti Donald Trump, stilla uppaftur í november. Fýra av teimum eru vrakað í uppstillingarvalunum, meðan fýra onnur ikki tóku við afturvali.

- Wyoming er ein statur, sum stuðlar Donald Trump, sigur Lasse Engelbrecht, journalistur í danska kringvarpinum: