1100 metrar eftir at bora í báðum bergholunum

Nú eru 3.000 metrar sprongdir í bergholunum norður um Fjall. Slakir 1.100 metrar eru eftir.

Í Árnafjarðarbergholinum eru sprongdir 1.370 metrar, har eru 520 metrar eftir.

Í Hvannasundsbergholinum eru sprongdir 1.630 metrar, har eru 565 metrar eftir. Fyrsta skotið var latið av 30.september í fjør.

522 mió. kr. 

Løgtingið hevur játtað 522 milliónir kr. til bergholini norður um Fjall, sum skulu vera liðug á heysti í 2024.

Bæði bergholini vera borað úr Árnafirði.

Byggifelagið Articon ger arbeiðið, og arbeitt verður alt samdøgrið.