Ein triðingur veit ikki, hvar tey eru smittað

Ein triðingur teirra, sum hava fingið koronu í summar, vita ikki, hvar tey eru smittað.

Vágaportalurin hevur fingið tølini hjá landslæknanum um koronu í Føroyum í summar.

86 positivir tilburðir vóru í juni, 179 í juli og higartil í august, ella til 22.august, 57 tilburðir, ella 322 í juni, juli og august.

Landslæknin sigur við Vágaportalin, at hann fylgir við gongdini og ringir til tey smittaðu fyri at spyrja um smittukeldu, sjúkueyðkenni og annað.

Festivalar og veitslur

24 prosent vita ikki við vissu, hvussu tey eru smittað, men nevna stevnur, festivalar og veitslur. 23 prosent nevna familju ella vinfólk sum smittukeldu.

20 prosent siga seg vera smittað uttanlands, tilburðirnir eru innfluttir.

Og 33 prosent siga seg als ikki vita, hvar tey eru smittað.

35.280 fólk í Føroyum hava fingið staðfest, at tey hava koronu.