Veðurstøðir virka aftur um nakrar mánaðir

Um tveir ella tríggjar mánaðir virka veðurstøðirnar í Mykinesi, Fugloy og á Eiði aftur.  

Nýggjar og sterkar mastrar eru umbidnar og verða latnar um miðjan september. 

Í Mykinesi er ætlanin at flyta veðurstøðina til tyrlupallin, tí Veðurstovan heldur, at tað fer at tæna bygdini, ferðafólkavinnuni og tyrluferðsluni betur. 

Fólk, sum kenna viðurskiftini hjá smábátum, hava ikki avvíst, at hendan loysnin kann brúkast hjá teimum. 

Í Fugloy er eisini ætlanin at flyta mastrina.

Men á Eiði verður nýggj mastur sett upp á sama stað sum tann gamla stóð. Hon datt niður í fjør heyst. 

Tað sigur Árni Skaale, landsstýrismaður, í svari til Jørgen Niclasen, løgtingsmann, sum spurdi, nær veðurstøðirnar í Mykinesi, Fugloy og á Eiði fara at virka aftur.

Jørgen Niclasen

Jørgen Niclasen, løgtingsmaður, spurdi landsstýrismannin í fiskivinnumálum um veðurstøðir.