Eldur í svenskari ferju

Seinnpartin í gjár kom eldur í ferjuna "Stena Scandica" í Eystursjónum. Tað er Stena Line, sum eigur ferjuna. 

Eldur kom í eina kølibingju. Tað var tó bara talan um royk, og tað eydnaðist manningini at sløkkja eldin.

Streymurin fór tó umborð, og ferjan rak móti Gotlandi. Vandi var fyri, at ferjan fór at reka á land. 

Ein bjargingarætlan var tí sett í verk, har ætlanin var at flyta tey 241 ferðafólkini umborð á eitt annað skip við tyrlu. Men tá ið 25 ferðafólk í gjárkvøldið vóru flutt, eydnaðist tað at fáa annan motorin í gongd aftur, og ferjan kundi sigla av vandaleið. 

Ferjan hevur nú kós móti svenska býnum Nynäshamn, sunnan fyri Stokkhólm.