Nirvana viðhald í rættinum

Spencer Elden, ið var nakni smádrongurin á plátuhúsanum, stevndi Nirvana fyri einum góðum ári síðani.

Hann vildi vera við, at verji hansara ongantíð gav loyvi til, at myndin skuldi brúkast og heldur samstundis, at Nirvana hevur brotið amerikansku lóggávuna um barnapornografi.

Limirnir í Nirvana og sakførarar teirra hava víst ákærunum frá sær og sagt, at einki høpi er í teimum.

Og nú hevur Spencer Elden so tapt málið í rættinum, ið staðfesti, at hann hevur bíðað alt ov leingi við at stevna, og tí fekk hann ikki viðhald í nøkrum av sínum.