Seinastu bóltarnir smassjast

Í dag spælir føroyska flogbóltslandsliðið við kvinnum ímóti Kroatia í sínum síðsta EM-undankappingardysti á hesum sinni.

Dysturin er í høllini á Hálsi í Havn klokkan 17.00.

Føroyar taptu mikudagin 3-0 á Rumenia á útivølli, men tvey av settunum vóru toluliga góð, og Súsanna Sólrunardóttir Ludvig skarðaði framúrí føroyska álopspartinum og vann átta avføroysku stigunum. 

Kroatia hevur undan dystinum tryggjað sær annað plássið og pláss í EM-endaspælinum saman við Rumenia, sum vinnur bólkin.