Búgva 54.200 fólk í Føroyum

1.august búðu 54.200 fólk í Føroyum, 670, 1,3 prosent. fleiri enn 1.august 2021.

Áhaldandi vøksturin í fólkatalinum seinastu árini er viknaður nakað seinastu mánaðirnar, sigur Hagstovan.

Vøksturin millum 2020 og 2021 var 1,5 prosent, ella 0,2 prosentstig størri enn í ár.

Støðan er framvegis tann, at íkastið frá burðaravlopinum er nógv minkað.

Men ein lítil øking í nettoflytingini vigar nakað upp ímóti.

Burðaravlopið er munurin millum fødd og deyð, og nettoflytingin er munurin millum tilflyting og fráflyting.

Hetta seinasta árið er fólkatalið vaksið í 14 kommunum, minkað í 14 kommunum og óbroytt í einari kommunu.