Sernám minkar virksemið á dagstovnunum

- Tað er ørkymlandi, at Sernám nú fer undir at niðurlaga sítt virksemi á dagstovnaøkinum. 

Skerd ráðgeving kann fáa avleiðingar fyri børnini, ið allarmest hava brúk fyri hjálp.

Tað sigur Turið Horn, sum er dagstovnaleiðari í Býlingshúsinum Vesturi á Flat í Tórshavnar kommunu:

Turið Horn

Turið Horn er dagstovnaleiðari.

Fyri tveimum vikum síðani sendi stjórin í Sernámi, Margreth Olsen, øllum dagstovnum í landinum skriv, har greitt verður frá, at vegna avmarkaða starvsfólkaorku á økinum, er neyðugt hjá Sernámi at tillaga virksemið hjá stovninum hetta til juni 2023.

Broytingin hevur við sær, at ráðgevingin til dagstovnar í ár verður avmarkað til talu- og málmenningarøkið og rørslu- og sansamenningarøkið. 

Margreth Olsen

Margreth Olsen er stjóri á Sernámi.

Hetta merkir í høvuðsheitum, at ráðgeving frá sernámsfrøðiligum ráðgeva ella sálarfrøðingi er ikki tøk. 

Í skrivinum stendur eisini, at undantøk kunnu gerast, um ivamál er um at útseta skúlabyrjan, ella hvat rætta skúlatilboðið er. 

Men Turið Horn ivast í, um hetta verður veruleiki:

Tað hevur alstóran týdning, at børn, ið hava tað trupult, fáa hjálp sum skjótast. At ongin sernámsfrøðiligur ráðgevi ella sálarfrøðingur kann ráðgeva námsfrøðingar og foreldur á dagstovnunum, hevur við sær, at børnini eru fyri vanbýti, sigur Turið Horn: