Nýggjur nevndarformaður í Effo

Føroyska oljufelagið, Effo, hevur fingið nýggjan nevndarformann. 

Árni Rasmussen er farin frá sum nevndarformaður, og hann er eisini farin úr nevndini. 

Í hansara stað eru tveir mans komnir.

Jógvan Dávid Jacobsen, Dávid Jacobsen

Jógvan Dávid Jacobsen er nýggjur nevndarformaður í Effo.

Jógvan Dávid Jacobsen tekur við sum nevndarformaður, meðan Janus Thomsen er valdur í nevndina sum nevndarlimur. 

Broytingarnar í nevndini verða gjørdar í samband við, at Janus Thomsen hevur tikið við sum stjóri í samtaksfelagnum Tjaldri eftir Árna Rasmussen.

Janus Thomsen kemur úr starvi sum stjóri í júst Effo, har hann nú er vorðin nevndarlimur.

Tjaldur er ein av høvuðseigarunum í EFFO. 

Janus Thomsen

Janus Thomsen, sum hevur verið stjóri í Effo, er nú nevndarlimur í felagnum.