Handverkararar hava gjørt nýggjan sáttmála

Semja er gjørd um nýggjan handverkarasáttmála.

Semjan er á sama stigi  sum tann, sum var gjørd við arbeiðarafeløgini í mai, og sum var tann fyrsta í samráðingarumfarinum 2022-2024.

Fyrrapartin skrivaðu Føroya Arbeiðsgevarafelag, Føroya Handverksmeistarafelag og Føroya Handverkarafelag og Landsfelag Handverkaranna undir nýggjan sáttmála, sum er galdandi frá 1. oktober í ár til 1. mai 2025, altso í 2 ár og 7 mánaðir.

Lønin hækkar 3,8 prosent 1. oktober í ár og 4,04 prosent 1. oktober næsta ár. Harumframt eru tillagingar gjørdar í sáttmálanum.