Svensk skip kanna skaðan á gassleiðingunum

Eitt stórt svenskt skip við sonar-útgerð er sent til økið, har spreingingarnar í Nord Stream 1 og 2-gassleiðingunum vóru.

Størsta skipið hjá svensku sjóverjuni, kavbátabjargingarskipið Belos, siglir í økinum, skrivar JyllandsPosturin. 

Blaðið skrivar, at skipið hevur útgerð, sum kann síggja skaðan, sum rørleiðingarnar hava fingið. 

Belos hevur m.a. ein krana og kavbátar við myndatólum og sonarútgerð.

Nord Stream

(Mynd: Ritzau Scanpix)

Einki gass eftir

Eisini svensk vaktar- og bjargingarskip eru í økinum.

- Sjóverjan skipar arbeiðið. Men vit eru har og stuðla teimum við ymiskum. Vit siga ikki, hvørji skipini eru,  og hvussu nógv, men Belos er har. Tað er serútgjørt skip, sum kann bjarga fólki úr kavbátum og hjálpa til í torførum kavarauppgávum, sigur samskiftisstjórin hjá svensku sjóverjuni, Jimmi Adamsson.

Danskt herskip, danskt sjóverjuskip, danska sjóverjan

(Mynd: Ritzau Scanpix)

Danska sjóverjan er eisini í økinum kring Bornholm við fregattunum, Absalon og Esbern Snare.

Einki gass er eftir í rørleiðingunum nú, skrivar NTB.