106 almennir bústaðir í Nuuk standa tómir

Eisini í Grønlandi eru bústaðir tómir, hóast bústaðartrotið er stórt.

Sambært KNR eigur sjálvstýrið 106 tómar bústaðir í Nuuk.

Teir kosta landskassanum 4,5 mió. kr. í mistum leiguinntøkum um árið. Tí miðal húsaleigan er 43.000 kr. um árið.

Orsøkin til, at eingin býr í bústøðunum, er millum annað blámusoppur, hevur KNR fingið at vita.

Landsstýrið sigur, at eftirsleipið í viðlíkahaldinum av leigubústøðum hjá sjálvstýrinum er millum 2,1 og 2,3 milliardir krónur.

Haraftrat koma kommunurnar við hálvari aðrari milliard í eftirsleipi.