![](https://www.uf.fo/sites/default/files/styles/myndasavn-width/public/mette_frederiksen_6.jpg?itok=ftztRNAA)
- Tíðindi, mentan og ítróttur
Nýggja fólkatingsárið byrjar í dag
![](https://kvf.fo/sites/default/files/styles/grein-ovasta-mynd/public/folkatingid_6.jpg?itok=VezjN4Ws)
Í dag verður fólkatingið sett, og Mette Frederiksen, forsætisráðharri, fer at halda setanarrøðu klokkan 11, okkara tíð.
Dúgliga verður gitt, um hon fer at skriva út fólkatingsval í dag, ella hon bíðar til í morgin ella hósdagin, tá setanarrøðan verður viðgjørd í fólkatinginum.
Radikali flokkurin, sum er stuðulsflokkur hjá stjórnini, hevur hótt við at leggja fram uppskot um misálit á stjórnina, um Mette Frederiksen ikki skrivar út val nú.
Sum siður er, fara fólkatingspolitikarar og ráðharrar í kirkju, áðrenn fólkatingið verður sett.
Ritzau Scanpix var framvið við myndatólinum, tá fólk fóru í kirkju.
Mette Frederiksen, forsætisráðharri.
Jakob Ellemann-Jensen, formaður í Vinstraflokkinum, sum bjóðar seg fram sum forsætisráðharraevni.
Søren Pape Poulsen, formaður í Konservativa flokkinum, sum eisini bjóðar seg fram sum forsætisráðharraevni.
Sofie Carsten Nielsen, politiskur leiðari í Radikala flokkinum, sum krevur, at forsætisráðharrin skal skriva út val. Annars fer hon at leggja fram misálit á stjórnina.
Løgreglan kannar trygdina í fólkatingssalinum og hevur hundar at hjálpa sær.