Biskupur: Ikki neyðugt at flyta valdagin

- Tað er ikki neyðugt at flyta fólkatingsvalið til ein annan dag. 

Tað sigur Jógvan Fríðriksson, biskupur, nú fólkatingsval er útskrivað at vera  1. november, allahalganna dag, sum eisini er minningardagur teirra sjólátnu.

Hann heldur, at tað ber til at flyta gudstænastuna, sum plagar at vera í Dómkirkjuni og í Christianskirkjuni um kvøldið 1. november, til seinnapartin.

Men Jógvan Fríðriksson leggur dent, at vit virða tey, sum eru farin á sjónum, og halda fast við at hava minningarhaldið 1. november.

Hoyr samrøðu við biskup í útvarpstíðindunum:

Sambært lógini um fólkatingsval, er tað ríkisumboðið í Føroyum, sum kunnar føroyingar um, at fólkatingsval verður

Ríkisumboðið kann, sambært lógini um fólkatingval, eisini gera av, um valið í Føroyum skal verða ein annan dag. 

Lene Moyell Johansen, ríkisumboð, sigur við útvarpið, at hon arbeiðir við málinum, og hevur ikki tikið avgerð enn.