Ferðafólkatalið fer upp um 400.000 í ár

Færri ferðafólk fóru um flogvøllin í Vágum í september í ár enn í september í 2019, sum er árið, samanberast kann við.

Ferðafólkini vóru 5,2 prosent færri í ár.

Í ár vóru tey 36.077. Í september 2019 vóru tey 38.052.

Stjórin á flogvølinum, Regin I. Jakobsen, væntar, at ferðafólkatalið fer upp um 400.000 í ár.

Hevði framgongdin í september verið tann sama sum hinar mánaðirnar síðani mai, hevði talið helst farið upp um 424.281, sum tað var í 2019, sum var metár hjá flgvøllinum.  

Til 1.oktober er ferðafólkatalið 96,8 prosent av tí, tað var til 1.oktober í 2019.