- Tíðindi, mentan og ítróttur
Eingin miðlaútbúgving í hesum umfari
Samgongan heldur ikki, at miðlaútbúgving skal vera á Fróðskaparsetrinum nú.
Minnilutin í mentanarnevnd løgtingsins, Fólkaflokkurin og Sambandsflokkurin, tekur ikki undir við uppskotinum til samtyktar hjá Beintu Løwe í Tjóðveldi um miðlaútbúgving.
Í álitinum um uppskotið sigur minnilutin, at samgongan hevur raðfest útbúgvingarnar, sum samfelagið hevur tørv á.
Í løtuni heldur samgongan ikki, at miðlaútbúgving eigur at vera raðfest.
Ein námsfrøðingaflokkur aftrat
Í fíggjarlógaruppskotinum fyri 2023 er raðfestur ein námsfrøðingaflokkur aftrat.
Andstøðan, sum er í meiriluta í mentanarnevndini, tekur undir við uppskotinum um føroyska miðlaútbúgving.
Í álitinum hjá mentanarnevndini siga andstøðufólkini, at Fróðskaparsetrið vil fara undir miðlaútbúgving, um fíggingin fylgir við.