Biden lovar Ukraina loftverjuvápn

Amerikanski forsetin, Joe Biden, lovar at veita Ukraina luftverjustuðulin, sum Ukraina hevur tørv á fyri at verja seg, eitt nú framkomnar luftverjuskipanir.

Tað boðaði hann ukrainska forsetanum, Volodymyr Zelenskyj, frá í telefonsamrøðu í gjárkvøldið.

- USA fordømir hvassliga russisku álopini á alt Ukraina. Álopini drupu og særdu sivilfólk, og oyðiløgdu mál, sum einki hernaðarligt tilknýti hava, stendur í tíðindaskrivi úr Hvítu húsunum.

- Álopini úr Russlandi styrkja okkara skyldu at standa saman við fólkinum í Ukraina. Saman við sameindu okkara fara vit at draga Putin og Russland til svars fyri ræðuleikar og krígsbrotsverk, og at veita Ukraina stuðulin, sum ukrainsku deildirnar hava tørv á, stendur í skrivinum.