- Tíðindi, mentan og ítróttur
Norrøna gevst at sigla til Íslands á hávetri
Næsta ár fer Norrøna ikki at sigla til Íslands á hávetri.
Smyril Line boðar frá, at í 2023 verður fyrsta fráferðin hjá Norrønu til Íslands 20. mars av Havnini, og seinasti túrur úr Íslandi verður 22. november.
Smyril Line sigur, at felagið hevur sett sær sum mál at minka um orkunýtsluna og at skipa flutningin á ein meira burðardyggan hátt.
Hetta verður gjørt í fleiri stigum.
Fleiri tillagingar eru longu gjørdar. M.a. sigla skipini við minni ferð, og tey liggja styttri við bryggju.
Næsta stigið er at umleggja vetrarsiglingina hjá Norrønu.
Smyril Line sigur, at hetta merkir kortini ikki, at fleiri broytingar verða gjørdar í ferðaætlanini hjá Norrønu næsta ár.
Hoyr samrøðu við Jens Meinhard Rasmussen, stjóra í Smyril Line, í útvarpstíðindunum:
