Trý kjarnorkuverk í Týsklandi halda fram

Trý kjarnorkuverk í Týsklandi, sum skuldu lata aftur í ár, skulu fyribils halda fram við virkseminum.

Tað sigur týski samveldiskanslarin, Olaf Scholz.

Í fjør tók týska stjórnin avgerð um at lata trý av teimum seks kjarnorkuverkunum aftur, og boðaði samstundis frá, at hini trý skuldu lata aftur í ár.

Tað verður ikki gjørt, og verkini halda fram til í apríl, eru boðini frá Scholz, tí Evropa er í eini álvarsligari orkukreppu, sigur hann.

Bara trý eftir

Reuters skrivar, at týsku kjarnorkuverkini halda fram, so leingi sum ein endalig loysn ikki er funnin á orkutørvinum í Europa, skrivar Reuters.

Til í 2011 hevði Týskland 17 kjartnorkuverk, men tey eru so líðandi latin aftur, og nú eru bert trý eftir.

Hóast kjarnorkverkini ikki hava stórvegis týdning longur, so er helst rætt at lata tey veita fólkinum el, sigur týski samveldiskanslarin.