Útbyggingin verður liðug í november

Útbyggingin verður liðug í november
Tórshavnar havn er vaksin 96.000 fermetrar, men neyðugt verður helst at byggja meiri út seinni
Útbyggingin av havnarlagnum í Havn hevur kostað 535 mió. kr.
 
25.10.2022 - 13:23

Útbyggingin av Tórshavnar havn verður endaliga liðug í november.

Tað váttar havnarmeistarin, Andrias Vang. 

Talan er um at yvirtaka arbeiðið í smáum, og Tórshavnar havn manglar at yvirtaka seinastu 70 metrarnar av nýggju Skansabryggjuni, ið byggifyritøkan J&K Petersen skal stoypa. 

Restin av nýggja molanum er tikin í brúk. Eitt nú eru bingjurnar, ið plagdu at vera á innara molanum, fluttar út á nýggju Skansabryggjuna. 

 

Andrias Vang, havnarmeistari

 

535 mió. kr. 

Tá ið Skansabryggjan er liðug, er Tórshavnar havn vaksin 96.000 fermetrar frá Havnarskrivstovuni og úteftir. 

Játtanin til byggiverkætlanina er 535 milliónir. Av tí at flutningurin veksur støðugt, verður tørvur væntandi á at byggja meira út í framtíðini.

Upprunaliga var tíðarætlanin, at útbyggingin av Skansabryggjuni skuldi vera liðug í 2019. Men tá ið neyðugt var at skifta boltar í nýggju havnini, steðgaði arbeiðið upp.

 

Útbyggingin av havnarlagnum verður endaliga liðug í november. 

 

Tryggingartræta

Ein tryggingartræta tók seg upp millum partarnar, sum elvdi til seinking í verkætlanini. Hetta kostaði byggifyritøkuni J&K Petersen nógv, og fyritøkan hevur eitt hall upp á umleið 45 milliónir krónur í sambandi við útbyggingina á havnarlagnum í Havn.

Er kopiera
Nýggjastu sendingar í ÚV
Leygardag 20. apríl
Upp á tá - 190424
173986
Leygardag 20. apríl
Vikan 20.apríl 2024
173982
Leygardag 20. apríl
Morgunlestur leygardagur 20. apríl 2024
173397
Fríggjadag 19. apríl
Vikuskiftið 19 apríl 2024
173966
Fríggjadag 19. apríl
Breddin: Ov nógv børn verða send av landinum
173951
Nýggjastu sendingar í SV
Fríggjadag 19. apríl
Veðrið
173964
Fríggjadag 19. apríl
Dagur og vika - teknmálstulkað
173933
Hósdag 18. apríl
Mett fyri minni (3:3)
173887