Nú er arbeiðsloysið hálvt prosent

Arbeiðsloysið er nú komið niður í hálvt prosent, sum svara til 150 fulltíðararbeiðsleys, 90 menn og 60 kvinnur.

Arbeiðsloysið er minst í Eysturoynni og í Vágum.

Arbeiðsloysið var 0,9 prosent í september í fjør.

Arbeiðsleys eru tey, sum eru skrásett hjá ALS ella Almannaverkinum, tí tey ikki hava arbeiði, eru fult tøk at arbeiða, og eru virkin arbeiðssøkjandi.

Í september vóru 29 fólk langtíðararbeiðsleys. Tey hava verið arbeiðsleys í meira enn eitt ár.