Avlopið hjá Airbus vaks 65 prosent

Avlopið hjá evropisku verksmiðjuni, sum ger Airbus-flogfør, vaks 65 prosent, upp í 667 milliónir evrur, í triðja ársfjórðingi.

Umsetningurin vaks 27 prosent, upp í 13,3 milliardir evrur tíðarskeiðið juli, august og september.

Airbus legði fram roknskapin fyri triðja ársfjórðing í dag. 

- Umstøðurnar hava verið truplar, men kortini eru úrslitini góð, sigur  Guillaume Faury, forstjóri í Airbus.

Hóast avbjóðingar hava verið við veitarum í kjalarvørrinum á koronufarsóttini, væntar Airbus at útvega um 700 flogfør í ár.