- Tíðindi, mentan og ítróttur
Bjarni Arge ætlar sær í løgtingið
Bjarni Arge ætlar sær í løgtingið
Fyrst ætlaði onnur helvtin av Amatøroyum sær á fólkating, nú vil hin á løgting
Bjarni Arge úr Amatøroyum dugir at fáa fólk at flenna. Spurningurin er, um hann eisini dugir at fáa fólk at velja seg
Mynd: Bjarni Árting Rubeksen
14.11.2022 - 20:55
Bjarni Arge frá kenda satirupoddvarpinum Amatøroyar dugir at fáa fólk at flenna.
Spurningurin er nú, um hann eisini dugir at fáa fólk at velja seg.
Bjarni Arge gongur í fótasporunum hjá hinari helvtini av Amatøroyum og stillar upp til løgtingsvalið fyri Javnaðarflokkin. Jóan Pauli Dahl Jakobsen stillaði herfyri upp til fólkatingið fyri Javnaðarflokkin.
Jóan Pauli Dahl Jakobsen undir valstríðnum í sambandi við fólkatingsvalið. Mynd: Bjarni Árting Rubeksen
Í sínari Facebook-fráboðan skrivar Bjarni Arge:
"Tá valið bleiv útskrivað, spurdi eg nøkur skilagóð fólk: Hvat er tykkara fyrsta kensla um valið? Tann eina svaraði púra einfalt: Vón. Tað var rættiliga beinrakið, haldi eg. Eitt val er mest av øllum ein vón. Ein vón um, at nakað verður betri. At ein ávísur persónur, flokkur ella løgting kann broyta eitt samfelag til tað betra."
Er kopiera
Nýggjastu sendingar í ÚV
Nýggjastu sendingar í SV
