Valsendingar í Kringvarpinum

bannari
Um KVFTíðindi
Valsendingar í Kringvarpinum
Til løgtingsvalið tann 8. desember eru fleiri valsendingar á skránni bæði í útvarpi og sjónvarpi. Her sæst yvirlit yvir mongu valsendingarnar
Mynd: Bjarni Árting Rubeksen  
 
11/22/2022 - 13:52

Løgtingsvalið verður 8. desember 2022. Valsendingarnar í Kringvarpinum í sjónvarpinum og í útvarpinum byrjaðu mánadagin, tá ið Tingið fór í luftina. 

 

Tingið

Mánadagin var fyrsta valsendingin á skránni, tá ið Sjálvstýri vitjaði Tingið. Í Tinginum verða tvey umboð úr hvørjum flokki tráspurd um vallyfti og valskránna. 

Lurtarar og hyggjarar hava møguleika at senda umboðunum spurningar. Og sum nakað nýtt fáa umboðini høvi at svara innkomnu spurningunum, tá ið sendingin hevur verið í luftini. 

Spurningar og svar eru tøk á heimasíðu okkara. 

Tingið er á skránni mána-, miku- og fríggjadag klokkan 10. Sendingin verður send beinleiðis í útvarpinum og í sjónvarpinum. Hon verður eisini endursend í sjónvarpinum um kvøldið.

 

Val kring landið 

Val kring landið vitjar skúlar í Føroyum, har skipað verður fyri valfundi fyri næmingunum. 

Val kring landið verður sent beinleiðis í útvarpinum og í sjónvarpinum. 

 

Andgletturin 

Andgletturin bjóðar øllum floksforfólkunum ein túr í sjónvarpsstovuna til eitt prát um valskráir og hugsjónir hjá politisku flokkunum. 

Tann flokkurin, sum vitjar Tingið fyrst, er síðstur at luttaka í Andglettinum  og øvugt. 

Fyrsti Andgletturin verður hósdagin 24. november, har forkvinnan í Framsókn er gestur. 

Andglettarnir eru í sjónvarpinum eftir Dag og viku. 

 

Valfundir

Eisini verður skipað fyri trimum stórum, almennum valfundum. Hesir verða hildnir í Hoyvík, á Tvøroyri og í Klaksvík. 

Fyrsti valfundurin verður mikukvøldið 23. november í Lívdini í Hoyvík. Á fyrsta valfundinum vera evnini prísvøkstur, sosiala økið og ríkisrættarliga støðan.

Til almennu valfundirnar eru øll vælkomin at lurta og at seta spurningar. 

Sjónvarpið sendir beinleiðis frá valfundunum. 

 

Skráin

Dagfesting                ÚV: Tingið kl. 10 ÚV: Val kring landið kl. 10 SV: Andglettur kl. 19.30 SV: Almennir valfundir kl. 19
21. nov. (mán.) Sjálvstýri      
22. nov. (týs.)        
23. nov. (mik.) Javnaðarflokkurin     Lívdin, Hoyvík
24. nov. (hós.)   Fiskivinnuskúlin, Vestmanna  Framsókn  
25. nov. (frí.) Fólkaflokkurin   Miðflokkurin  
26. nov. (ley.)        
27. nov. (sun.)       Salt, Tvøroyri
28. nov. (mán.) Sambandsflokkurin   Tjóðveldi  
29. nov. (týs.)   Tekniski Skúli, Klaksvík Sambandsflokkurin  
30. nov. (mik.) Tjóðveldi      
01. des. (hós.)   Miðnámsskúlin í Hovi Fólkaflokkurin  
02. des. (frí.) Miðflokkurin   Javnaðarflokkurin  
03. des. (ley.)        
04. des. (sun.)        
05. des. (mán.) Framsókn Fróðskaparsetrið, Tórshavn Sjálvstýri  
06. des. (týs.)       Skúlin á Skúlatrøð, Klaksvík
07. des. (mik.)        
08. des. (hós.) LØGTINGSVAL LØGTINGSVAL LØGTINGSVAL LØGTINGSVAL
Nýggjastu sendingar í ÚV
Leygardag 3. desember
Morgunlestur leygardagur 3. desember 2022
148597
Fríggjadag 2. desember
Vikuskiftið 2 des 2022
148888
Fríggjadag 2. desember
Øðrvísi á Gentuvesinum
148882
Fríggjadag 2. desember
Miðflokkurin í Tinginum
148869
Fríggjadag 2. desember
Góðan morgun Føroyar 02. desember 2022
148849
Nýggjastu sendingar í SV
Fríggjadag 2. desember
Javnaðarflokkurin í Andglettinum
148751
Fríggjadag 2. desember
Miðflokkurin í Tinginum
148852
Hósdag 1. desember
Fólkaflokkurin í Andglettinum
148527
Hósdag 1. desember
Val kring landið - Hov
148799

Um kvf css