Bussleiðin í Havn fær nýggjar bussar

24.11.2022 - 16:33
AktueltSamfelag
Bussleiðin í Havn fær nýggjar bussar
Ætlanin er at taka bussarnar í nýtslu millum jól og nýggjár. Í mai koma tveir elbussar
Hesir býbussarnir í Havn verða nú skiftir. 15 dieselbussar koma um 14 dagar, og í mai koma tveir elbussar.
Mynd: Bjarni Árting Rubeksen  
 

Um tvær vikur koma nýggju býbussarnir, sum skulu koyra í Tórshavnar kommunu, til landið.

Talan er um 15 dieselriknar bussar av slagnum Iveco. 

Bussarnir verða tiknir í nýtslu millum jól og nýggjár, sigur Heðin Zachariassen, stjóri í HZ-bussum, ið rekur busskoyringina fyri kommununa.

Nýggju bussarnir eru 1,3 metrar longri enn verandi bussar. Betri pláss er til barnavognar og rullistólar, og teir taka fleiri ferðandi. Teir fara at hava sama reyða lit sum verandi bussar. 

 

Kosta meira enn 30 milliónir

Heðin Zachariassen sigur, at nýggju bussarnir kosta eitt sindur oman fyri 30 milliónir krónir.

Í mai næsta ár koma tveir bussar afturat, og teir verða elriknir. Elbussarnir skulu koyra á leið 4, har fæstar brekkur eru.

Tað er kommunan og ikki HZ-bussar, sum ger av, hvat slag av brennievni ella orku, bussarnir skulu brúka.

 

Kunnu skifta dieselbussarnar

Heðin Zachariassen sigur, at avtalan við kommununa er tann, at teir báðir elbussarnir skulu brúkast sum grundarlag fyri at útvega fleiri elbussar. Roynast teir væl, kunnu nýggju dieselbussarnir verða skiftir út ein og ein við elbussar næstu árini.

HZ-bussar hava sáttmála við Tórshavnar kommunu næstu níggju árini.

Er kopiera
Nýggjastu sendingar í ÚV
Leygardag 3. desember
Morgunlestur leygardagur 3. desember 2022
148597
Fríggjadag 2. desember
Vikuskiftið 2 des 2022
148888
Fríggjadag 2. desember
Øðrvísi á Gentuvesinum
148882
Fríggjadag 2. desember
Miðflokkurin í Tinginum
148869
Fríggjadag 2. desember
Góðan morgun Føroyar 02. desember 2022
148849
Nýggjastu sendingar í SV
Fríggjadag 2. desember
Javnaðarflokkurin í Andglettinum
148751
Fríggjadag 2. desember
Miðflokkurin í Tinginum
148852
Hósdag 1. desember
Fólkaflokkurin í Andglettinum
148527
Hósdag 1. desember
Val kring landið - Hov
148799