Aftur eitt neyðtøkumál í rættinum

Í morgin verður aftur eitt mál um neyðtøku í Føroya rætti.

Ein maður fyrst í tríatiárunum er ákærdur fyri at hava neyðtikið eina gentu heima við hús hjá henni.

Hetta var, sambært ákæruritinum, í Havn í september í 2020.

Maðurin noktar seg sekan.

Maðurin er ákærdur eftir gomlu revsilógini, teirri, sum var galdandi, áðrenn kravið um samtykki kom í lógina.