Komu ikki á mál við at býta málsøki

Komu ikki á mál við at býta málsøki
Samráðingarnar halda fram klokkan níggju í morgun
Aksel V. Johannesen og hini, sum samráðast um nýtt landsstýri, halda fram at tingast um málsøkjabýtið í morgun.
Mynd: Bjarni Árting Rubeksen  
 
20.12.2022 - 08:24

Ætlanin var at manna landsstýrið í nátt, men enn er ikki komið á mál.

Tað sigur Aksel V. Johannesen samráðingarleiðari, í morgun.

- Vit eru komin nokk so langt við málsøkjabýtinum, men alt er ikki avgreitt enn, sigur hann.

Spurdur, um hann kann siga nakað, hvussu nógv ráð verða, og hvør fær hvønn sess, sigur samráðingarleiðarin, at tað kann hann ikki.

- Tað kann vera so knappliga, at eg kann siga nakað um tað, men tað kann eisini taka sína tíð, sigur Aksel V. Johannesen. 

Samráðingarnar halda fram klokkan níggju í morgun.

Klokkan 11 fer Aksel V. Johannesen aftur hitta løgtingsformannin, tí tá fer freistin at skipa samgongu.

Er ikki komið á mál at skipa samgongu tá, fer samráðingarleiðarin helst at biðja um, at freistin verður longd.

 

 

Er kopiera
Nýggjastu sendingar í ÚV
Mánadag 16. november
Norðurljóð 16.november 2026
215027
Sunnudag 15. november
Bolero - Niels V. Gade
216433
Sunnudag 15. november
Guðstænasta í Haldarsvíkar kirkju
216428
Nýggjastu sendingar í SV
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti hjá Brøðrasamkomuni.
216442