Føroyingar eiga nógv meira enn teir skylda

Føroyingar eiga nógv meira enn teir skylda
Nettoognin var 2,25 ferðir bruttotjóðarúrtøkuna í 2020
Veruligar ognir eru til dømis bilar.
 
25.12.2022 - 12:43

Húskini í Føroyum eiga nógv meira enn tey skylda, sigur Landsbankin í frágreiðing sínari um fíggjarliga støðufestið.

Tølini eru frá 2020 og sambært teimum er nettoognin, tað er ognin, tá skuldin er drigin frá, 47,8 milliardir krónur, 2,25 ferðir bruttotjóðarúrtøkuna í 2020.

Nettoognin fór frá at vera 5,2 ferðir tøku inntøkuna í 2019 til at vera 5,4 ferðir tøku inntøkuna í 2020.

Til samanbering var nettoognin hjá dønum í 2020 5,6 ferðir størri enn inntøkan og hjá íslendingum 6,2 ferðir størri.

Ognin størri

Hetta merkir, at millum annað sethúsaognin, privata eftirlønaruppsparingin og innlánini í føroysku peningastovnunum vóru størri í 2020 enn í 2019.

Føroysk húski áttu 28 milliardir krónur í fíggjarligum ognum í 2020.

Privata eftirlønaruppsparingin var 11,6 milliardir.

Afturat fíggjarligu ognunum áttu føroyingar realar ognir, sethús, bilar og bátar fyri 32,2 milliardir krónur í 2020.

Skuldin var 12,6 milliardir, so nettognin var 47,8 milliardir krónur.

Er kopiera
Nýggjastu sendingar í ÚV
Nýggjastu sendingar í SV
Hósdag 28. mars
Guðstænasta úr Kollafjarðar kirkju
172938
Týsdag 26. mars
Veðrið
172832
Mánadag 25. mars
Beautyvarpið við Tanju
172718
Sunnudag 24. mars
Mein fyri lívið
172652