Nýggjársbál krevja loyvi

Tey, sum ætla at brenna bál í annaðkvøld, mugu biðja um loyvi frá kommununi, sigur Umhvørvisstovan.

Hon sigur, at bara er loyvt at brenna óviðgjørdan við og annað, sum ikki dálkar og er ætlað sum brenni, eitt nú træplattar, trækassar og greinar.

Tá bálið er slóknað, er umráðandi at beina burtur leivdir frá bálinum og lata tær til kommunalu burturkastskipanina.

Endamálið við at brenna bál má ongantíð vera at sleppa sær av við stórar nøgdir av burturkasti, sigur Umhvørvisstovan.

Um bál elva til ampa, hevur kommunustýrið ábyrgdina av, at bálið verður sløkt og, at leivdirnar verða koyrdar á kommunalu burturkastskipanina.

Les meira og finn hentar leinkjur her.