Jarnbreytarverkfall í Bretlandi

Í dag er jarnbreytarverkfall byrjað í Bretlandi. Teir fimm dagarnar, sum verkfallið eftir ætlan skal vara, verður annaðhvørt avmarkað ella eingin tokferðsla.

Bert 20 prosent av tokunum fara at koyra, og tey koyra bert ímillum hálvgum átta um morgunin og hálvgum sjey um kvøldið, skrivar The Guardian.

Limirnir í fakfelagnum RMT hava lagt arbeiðið niður fleiri ferðir í desember í eini roynd at fáa betri løn og arbeiðstreytir sum heild.

Stórur partur av tokferðsluni í Wales, Skotlandi og í økjum í Bretlandi, har ikki so nógv fólk búgva, verður nærum steðgað.

Á størri leiðum, sum verða nógv brúktar, fara tok at koyra eina ferð um tíman.