Fyrrverandi grikski kongurin deyður

Fyrrverandi kongurin í Grikkalandi, Konstantin annar, er deyður, 82 ára gamal. Hann var kongur í Grikkalandi frá 6.mars í 1964, til kongshúsið var tikið av 1. juni 1973. Konstantin var útbúgvin heryvirmaður og las løgfrøði á lærda háskúlanum í Athen. 

Hann var einkarsonur Paul kong og Fredriku drotning. Hann var systkinabarn hertogan av Edinburg, Philip prins, sum giftist Elizabeth drotning av Bretlandi.

Í 1964 giftist Konstantin donsku Onnu Mariu prinsessu. Tey fingu tvær døtur og tríggjar synir. Elsti sonurin Paul, hertogi av Sparta, føddur í 1967, hevði skulað tikið við trúnuni.