Vistu einki um bygnaðarbroytingar á Glasi

Útbúgvingarstjórin á Glasi hevur fingið ætlanarskriv um uppsøgn.

Orsøkin er bygnaðarbroytingar. Men hvørki starvsfólk ella álitisfólk kendu til bygnaðarbroytingarnar.

Tað sigur Birna Heinesen, forkvinna fyri Yrkisfelagið Miðnám, nú rektarin á Glasi ætlar at fremja broytingar í starvsfólkahópinum.

Starvsfólkabroytingarnar hava við sær, at starvið sum útbúgvingarstjóri ikki longur verður neyðugt. Hendan avgerðin var tikin, uttan at starvsfólkini á Glasi vóru hoyrd.

Sambært innliti, sum Kringvarpið hevur fingið frá Mentamálaráðnum, kunnaði rektarin á Glasi aðalstjóran í Mentamálaráðnum, Poul Gert Hansen, um bygnaðarbroytingarnar tann 5. desember.

Hoyr innslag í útvarpstíðindunum:

Una Joensen, rektari á Glasi, ger viðmerkingar til málið í útvarpinum seinni í dag.