Frakland: Stórar kravgongur

Myndugleikarnir upplýsa, at tilsamans hava 963.000 fólk verið við í kravgongunum, harav tey 93.000 í París.

Men fakfelagið CGT vil vera við, at almennu tølini eru ov lág og sigur, at í minsta lagi hálvtriðja millión fraklendingar vóru úti á gøtunum og mótmæltu – og bara í París var talan um hálva millión fólk.

Í sambandi við kravgongurnar søgdu átta tey størstu fakfeløgini í Fraklandi, at tey eru til reiðar at leggja Frakland lamið á øllum økjum tann 7. mars, um stjórnin og tjóðartingið “framvegis møta fólkakravinum við deyvum oyrum”.