- Tíðindi, mentan og ítróttur
Olja á vestaru vág
Olja á vestaru vág
Arbeiðsfólk á MEST varnaðust ikki, at tað, sum fór á sjógv, var olja
Arbeiðsfólk á MEST skuldu lensa ein tanga umborð á Ango, men tey varnaðust ikki, at olja var í honum.
Mynd: Bjarnheðin í Hoyvík
22.02.2023 - 11:18
Millum 50 og 100 litrar av olju endaðu í gjár á vestaru vág í Havn.
Arbeiðsfólk frá skipasmiðjuni MEST arbeiddu umborð á Ango og skuldu lensa ein tanga, sum vatn vanliga var í.
Ango liggur við Kjartansmola á vestaru bryggju.
(Mynd: Bjarnheðin í Hoyvík)
(Mynd: Bjarnheðin í Hoyvík)
Varnaðust ikki oljuna
Arbeiðsfólkini varnaðust ikki, at tað var olja, sum fór á sjógv fyrr enn ov seint var.
Tórshavnar sløkkilið var kunnað um óhappið alt fyri eitt, sigur Mouritz Mohr, stjóri í Mest.
Sløkkiliðið tók meginpartin av oljuni upp í gjár, og í dag verða girðingarnar, sum súgva olju í seg, skiftar.
Heini Østerø, stjóri fyri Tórshavnar sløkkiliði, sigur við útvarpið, at skipasmiðjan MEST fær onga bót, men eina rokning fyri uppruddingararbeiðið.
Er kopiera
Nýggjastu sendingar í ÚV
