Útflýggjaðu 10.000 pass í fjør

Føroya politi útflýggjaði næstan 10.000 pass í fjør. 

Hetta er meira enn helvtina fleiri enn í 2021.

Verður samanborið við koronaárið 2020, er talan um næstan 200 prosent fleiri pass, sigur politiið.

Harumframt hevur politiið avgreitt 3.284 útlendingamál. Eisini hetta er næstan helvtina fleiri enn í 2021.

Fleiri harðskapsmál

Fleiri harðskapsmál eru nú.

Um harðskapsmálini er yvirskipað at siga, at ung fólk fremja aloftast harðskapin í náttarlívinum, sigur politiið.

Í fjør vóru 106 harðskapsmál skrásett. Øll eru ikki avgreidd í rættinum enn.

Hagtøl hjá politinum um skrásetta harðskapin í fjør siga, at í 92 málum var talan um harðskapsmann og í níggju førum um harðskapskvinnu.

Í fimm málum er gerningsfólkið ikki eyðmerkt.