Fyrsta stigið tikið til lutaíbúðir í høvuðsstaðnum

Í gjárkvøldið var Áhugafelagið Lutaíbúðir sett á stovn, og nú verður av álvara farið undir arbeiðið at fáa bygt lutaíbúðir í høvuðsstaðnum.

Útivið 200 fólk møttu á stovnandi fundinum, sum var í Finsen í Havn, og eini 120 til 130 fólk teknaðu seg sum limir.

Hans Jacob Hermansen, ið hevur verið talsmaður hjá teimum, ið hava tikið stig til felagið, var valdur til formann í nýggja felagnum.

Hoyr innslag í útvarpstíðindunum:

Á aðalfundinum í gjárkvøldið var samtykt, at felagið skal eita Áhugafelagið Lutaíbúðir, og fimm fólk og tvey tiltaksfólk vóru vald í nevndina.

Nevndarlimirnir eru Rógvi á Rógvu, Tóra Højgaard Joensen, Sigurð Justinussen, Randi Meitil og Hans Jacob Hermansen, sum er formaður.

Tiltakslimir eru Elin Hentze og Magnus Hansen.

]]