Nýggjur fundur um Nato-limaskap

Nýggjur fundur millum Turkaland, Svøríki og Finnland um limaskap í Nato er ásettur at vera 9. mars. Tað upplýsir turkiski uttanríkisráðharrin.

Fundurin var útsettur eftir ósemjuna í sambandi við, at eldur var settur á koranir í Svøríki.

Fundurin verður í Brússel, sigur Mevlut Cavusoglu, uttanríkisráðharri í Turkalandi.

Hann leggur aftrat, at Turkaland undir ongum umstøðum fer at góðkenna svenskan limaskap í Nato, fyrr enn krøvini í trípartaavtaluni í Madrid eru lokin. MenTurkaland er fyri finskum limaskapi, skrivar NTB.