Kirkjustovan skal vera liðug um eitt ár

Arnes Minde í Havn eitur nú Kirkjustovan.

Longu fyri sløkum 25 árum síðan vendi kirkjuráðið í Havnar kirkju sær til Tórshavnar kommunu um møguleikan at yvirtaka ognina Arnes Minde á horninum millum Bringsnagøtu og Kirkjuveg.

Býráðið samtykti tá, at um húsið gjørdist tøkt, kundi kirkjan taka við tí.

Býráðið samtykti í 2015 at lata kirkjuráðið fáa Arnes Minde fyri 3,5 mió. kr., sum var metingarpísurin tá. 

12 mió. kr.

Almannamálaráðið var biðið um at geva undantak frá regluni um, at alment útboð skal vera, tá kommunal ogn verður seld. Almannamálaráðið gav undantakið.

Og nú verður húsið innrættað av nýggjum. Tað fær eisini nýggjan klædning og vindeygu.

Valbjørn Dalsgarð fekk arbeiðið at gera nýtt hús fyri 12 mió. kr. Innboðin lisitasjón var í november í fjør um arbeiðið. 

Arbeiðið skal vera liðugt um stívliga eitt ár, hálvan apríl í 2024.