Útflyta eisini bilar og bilvrak

Føroyingar útflyta eisini bilar og bilvrak.

Í fjør vóru 275 bilar útfluttir. Teirra millum vóru 88 bilvrak.

Í 2022 vóru 149 bilar og 66 vrak útflutt, og í 2021 vóru bilarnar 31 og vrakini 76.

Ruth Vang, landsstýriskvinna, hevur svarað Kim Durhuus, løgtingsmanni, sum spurdi, hvussu nógv fólk fáa aftur av meirvirðisgjaldinum, tá tey selja leigubilar av landinum.

Spurt var eisini um aðrar bilar, har seljarin fekk virðisgjaldið aftur.

Endurrindað virðisgjald var slakar 7,8 mió. kr. í fjør, góðar 9,1 í 2022 og slakar 1,5 milliónir í 2021.