Bjørk steypavinnari í donskum flogbólti

Bjørk Nolsøe Isaksen er við felagi sínum, ASV, danskur steypavinnari í flogbólti fyri kvinnur.

Tað eru 48 ár síðani, at ASV vann hesa kappingina seinast.

Liðið vann finaludystin 3-1 á Holte.

Seinastu nógvu árini hava tað einans verið Holte og Brøndby, sum hava vunnið donsku steypakappingina, men í ár vann ASV fyrst á Brøndby í hálvfinaluni og síðani á Holte í finaluni.

Somu lið liggja ávikavist á fyrsta og øðrum plássi í donsku landskappingini.

bjork_okokok.jpg

Bjarni tapti bronsudystin

Bjarni Joensen var eisini við í sonevndu Final4, men lið hansara, Ikast KFUM, tapti sína hálvfinalu 3-1 fyri Nordenskov UIF.

Sunnudagin spældi Ikast ímóti Gentofte um bronsuna, men tað eydnaðist ikki Bjarna Joensen og teimum at vinna. Dysturin endaði 3-1 til Gentofte.

Føroyingurin telist millum berandi kreftirnar á einum ungum liði, sum nú spælir fyri at koma í endaspælið um danska meistaraheitið.