Ronja og Bjarki vunnu mest

Ronja Johannessen og Bjarki Johannesen, bæði úr Havnar Fimleikafelag, vunnu mest í árligu steypakappingini í amboðsfimleiki.

Tey bæði vóru oftast á sigursskamlinum, tá kappast var í fleiri greinum í FIMI um vikuskiftið.

Hjá kvinnum vann Ronja Johannessen í lopi, forskotnari barr, bita og á gólvi, meðan hon fekk annað plássið á bitanum. Ta greinina vann Sarita Gaardlykke úr Støkk.

Hjá monnum var kappast í seks greinum, og Bjarki Johannesen vann fýra. 

Fimleikarin úr HF vann beinsveiggj, ringar, paralell barr og rekk, meðan Torleivur Christiansen - eisini úr HF - vann gólv og lop. 

Hjá mansunglingum vann Ari Poulsen úr Støkk fimm av seks greinum.