Stjól bil og koyrdi ávirkaður við ongum koyrikorti

Sunnudagurin endaði við fýra skuldsetingum móti einum manni.

Hann er skuldsettur fyri innbrot, fyri at stjala ein bil, fyri at koyra ávirkaður og fyri at koyra við ongum koyrikorti.

Beint eftir døgurða í gjár var innbrot í gamla bygningin hjá Føroya Banka ella Bank Nordik í Steinatúni í Havn.

Tann, sum breyt inn, fann ein billykil í einum jakkalumma.

Við at brúka lykilin, fann hann bilin og fór av stað við honum.

Hann var tikin tveir tímar seinni uttan fyri Havnina.

Bilurin var óskaddur, sigur politiið.