Danska leitingarflogfarið kemur kortini

Nú er greitt, at danska Challenger-flogfarið, sum ikki kundi koma til Føroya, tí tað hevði fingið tekniskt brek, kortini kemur til Føroya at hjálpa til við leitingini av báðum monnunum á Kambi, sum ikki eru komnir afturíaftur.

Tað upplýsir MRCC.

Flogfarið fer úr Danmark hvørja løtu, og tað verður á leiðini, har leitað verður, klokkan 17.45.

Hóast myrkur tá er komið á, ber til hjá flogfarinum at leita í nakrar tímar.

Fyrr í dag visti MRCC at siga, at eitt íslendskt flogfar skuldi koma til Føroya at leita. MRCC sigur nú, at talan var ikki um eitt íslendskt flogfar, men um eitt bretskt, sum stendur á flogvøllinum í Keflavík.

Í løtuni er kortini óvist, um hetta flogfarið kemur til Føroya.

Bæði føroysk og útlendsk skip eru við í leitingini eins og bjargingartyrlan. Brimil samskipar leitingina.

Hoyr samrøðu, sum Jógvan Skeel Nolsøe gjørdi við Edvard Bjarnastein, leiðara á MRCC, í útvarpstíðindunum klokkan 16: