Geytakvøld í sjónvarpinum

Fríggjakvøldið 9. februar verður stórsligið filmskvøld í Norðurlandahúsinum, tá filmsvinnan skal heiðrast, og besti stuttfilmurin finnast. 

Talan er um tvær virðislønir, sum verða handaðar: Geytin og Áskoðaravirðislønin.

Og sunnukvøldið klokkan 20 verður hetta filmskvøldið eisini í sjónvarpinum, tá vit vísa allar filmar, sum eru í uppskoti til ársins Geyta, við serligari umrøðu frá leikstjórunum. 

Talan er um fimm filmar: 

• Andrias Høgenni við filminum, “Lið við lið”
• Brandur Teitsson við filminum, “Undir”
• Katrin Joensen-Næs við filminum, “SÆLA”
• Terji Mohr við filminum, “Død af Grin”
• Tóki Jansson við filminum, “Óveruliga verðin hjá Aldu”